Puzzle達人教路：輕鬆完成拼圖必懂的砌圖技巧
Updated: Dec 15, 2019
店主在今次寫這篇文章之前，特意訪問了一位由細玩Puzzle玩到大，有超過10年拼圖經驗的朋友 Sella。
她這幾年來大大小小已完成了超過50幅砌圖，希望她的經驗和拼圖技巧能幫助大家完成你的作品，以下是這次訪問的紀錄。
首先，拼砌圖其實有什麼技巧？
其實玩Puzzle係有技巧同策略既！
首先，我係會抽哂最外圍的框出黎，砌好左先。
跟住就睇下邊個最大舊/最似突出的公仔/最易砌，揀哂出黎砌左先。
完成之後，再分唔同色系，eg. 天空藍色、樹木的綠和啡色、泥土黑色等等。
重點係：將不同顏色的Puzzle分類，先分好不同拼圖係屬於邊一部分，咁就易砌好多架喇！
另外，在細節位上可以通過對比圖案中的紋理(如卡通角色的周邊)，從而搵返正確的位置。
開Puzzle前有什麼事前的準備功夫嗎？
事前的準備功夫並沒有很多，最緊要係空出一個適當的空間來放置Puzzle。
一般我會使用砌圖收納墊，將拼圖放在上面砌，比較節省空間。
因為有D款式唔係一時三刻可以完成，所以玩完之後我會將佢卷起，等下次玩再開返出黎。
延伸閱讀：什麼是砌圖收納墊？
仲有無什麼需要注意的事？
要小心砌的過程唔好整唔見其中一塊Puzzle囉，通常我會用碗裝住分類好的Puzzle，唔玩既時候就用幾個密實袋入住。
延伸閱讀：補缺塊過程指南
你砌過咁多幅Puzzle，究竟係點樣收藏？
大家都知，香港的家居空間較細，總不能每一幅完成好的拼圖都掛出來。
我個人會揀幾幅比較喜歡和有感情的砌圖來掛牆展示，其他的可能在完成之後就拆返開或者收係床下底。
不過記得上框的就要上返砌圖膠水，加工處理保護Puzzle表面。
咩主題的Puzzle你最鍾意砌啊？
我個人比較喜歡風景類的Puzzle，像世界各地不同的名勝景點。
因為我係經常去旅行既人，有時都會係世界各地購買當地風景的砌圖，日後回到香港，在玩Puzzle的途中再回味。
另外，我都喜歡砌自己鍾意的卡通款式，例如Minions和龍貓等等。
邊一個國家的Puzzle你最喜愛啊？
Um...喜歡的有很多，但最喜歡的應該是日本的Puzzle。
因為日本砌圖在款式上有很多選擇，品質也不錯，比較過其他地方出產的拼圖就會知道分別。
最後，你有什麼想跟我們的讀者講嗎？
如果要講的話，我希望更多香港人可以享受砌拼圖的樂趣，希望我的經驗和小小Puzzle技巧能夠幫助到你地。
Tips：達人的拼圖技巧總結：
挑選自己喜歡的圖案，完成後可作裝飾
開盒前先準備一個空間放置Puzzle
將砌圖分類，從較大/容易完成的圖案著手。
通過細節位來確認拼圖位置
途中要小心唔好整唔見Puzzle(可用密實袋入好)
完成後，如掛牆便要記得替砌圖要上膠水
聯絡我們：
Puzzle N Toys 砌圖拼圖專門店
WhatsApp: +852 6600 3359
Email: tommy@puzzlentoys.com